II EDICIÓN
FEIRA DOS ANIMAIS DE COMPAÑÍA E TURISMO PET FRIENDLY
EXPOCoruña
18-19 abril 2026
patapata_org
EXPOCoruña, 18 – 19 de abril
O gran encontro dos animais de compañía en Galicia
A Feira Pata Pata 2026 regresa con máis forza, consolidándose como o gran encontro galego dedicado ao mundo animal. Nesta nova edición, a feira pon o foco no turismo pet friendly.
Ademais da súa ampla área expositiva, Pata Pata ofrecerá exhibicións, formacións e actividades familiares, converténdose nun espazo de innovación e colaboración arredor do benestar animal, a tenencia responsable e as oportunidades de emprendemento neste ámbito.Galicia, coa súa riqueza natural, cultural e gastronómica, conta cun enorme potencial para ser un destino de referencia para viaxeiros acompañados polos seus animais, e por iso a programación incluirá mesas técnicas e casos de éxito sobre hoteis, establecementos e servizos que están a innovar para acoller mellor a este público.
Obxectivos
PATA PATA é a primeira feira galega dedicada en exclusiva aos animais de compañía cun enfoque integral. Un espazo único para coñecer as últimas tendencias, participar en actividades, descubrir servizos especializados e gozar en familia dun evento innovador e educativo:
- Crear un escaparate dinámico das novidades en produtos, servizos e tecnoloxías do sector.
- Converter a feira nun lugar de encontro aberto, participativo e inclusivo para todas as idades.
- Apoiar ás empresas e profesionais, favorecendo o networking e novas oportunidades de negocio.
- Promover a tenza responsable, a adopción e o benestar dos animais de compañía.
Actividades
Na feira PATA PATA 2026 queremos que vivas unha experiencia completa xunto ao teu animal de compañía. Ademais de coñecer as últimas novidades do sector, poderás participar nun amplo programa de actividades pensadas para aprender, divertirte e compartir.
- Exhibicións e demostracións en directo: adestramento, habilidades caninas, deportes con cans e moito máis.
- Charlas e obradoiros prácticos: educación, saúde, alimentación, tenza responsable e benestar animal.
- Espazo infantil e familiar: xogos, e actividades educativas para os máis pequenos.
- Zona de adopción: coñece asociacións, proxectos solidarios e dá unha segunda oportunidade a quen máis o necesita.
- Concursos e pasarelas: celebra a diversidade e simpatía dos animais nun ambiente lúdico e participativo.
- Mesas técnicas: Turismo e territorios Pet Friendly, experiencias de éxito, axencias de viaxes, hotéis…
En PATA PATA 2026 todo está pensado para que ti e teu acompañante peludo sexades protagonistas. Vive un evento único en Galicia!
Entidades colaboradoras:
Sociedade Canina Galega. Concurso de beleza canina
Asociación Felina Española. Exibición internacional
Publicaremos o programa definitivo de actividades no mes de Febreiro de 2026.
Entradas
Compartes a túa vida cun animal de compañía? Convidámoste ao Festival PATA PATA. Un evento familiar, accesible e para todas as idades, onde podes vir co teu inseparable acompañante e mergullarte nunha fin de semana chea de diversión, educación e cultura.
Se asistes en compañía do teu animal teremos puntos de alimentación e hidratación e espazos adecuados para eles, zona calma, e por se fai falta contaremos permanentemente coa presenza dun equipo veterinario.
Entradas: 6 € / día
Infantil (4 a 12 anos) 3 €. Menores (-4 anos) gratuita
Horario da feira: sábado e domingo de 10 h a 20 h
Expositores
Traballas no sector dos animais de compañía? Queres dar a coñecer os teus servizos e produtos? Rexistrarse agora como Expositor!
Participa activamente no noso evento, establecendo valiosos vínculos cos teus clientes adquirindo unha comprensión directa das súas necesidades e preocupacións. Descubre as distintas oportunidades de colaboración con outros profesionais e empresas do sector, mergúllate nun amplo programa de actividades onde poderás participar e destacar a túa marca, produto ou servizo. Achégate a unha comunidade con ganas de descubrir tendencias e novidades, busca sinerxías con outros profesionais e empresas do sector e comparte o teu coñecemento patrocinando a túa propia actividade. Únete a PATA PATA para ser parte desta experiencia.
Benefíciate dos descontos especiais por reserva anticipada de stands.
EXPOCoruña é un espazo multiusos, único, flexible e polivalente, con 70.000 visitantes só no primeiro semestre deste ano é un verdadeiro escaparate de Galicia.
O seu Atrio é o espazo ideal para acoller grandes eventos como PATA PATA, con deseño industrial e totalmente diáfano. Cunha área expositiva de 5.400 m2 e nun enclave privilexiado, en plena zona de negocios, con hoteis e servizos, perfectamente conectado co seu patrimonio histórico, cultural e gastronómico.
INFORMACIÓN SOBRE DATOS PERSOAIS
Responsable: OUVIRMOS (B15895626).
Finalidade: (i) Contactar con vostede para enviarlle información sobre a feira do seu interese, ou (ii) se é o caso, emitir unha cotización baseada na información que nos proporcione. Lexitimación: consentimento e relación precontractual (art. 6.1. a e b RGPD). Destinatarios: Os seus datos non serán comunicados a terceiros, salvo petición expresa das autoridades públicas ou por imperativo legal. Exercicio dos Dereitos: dirixindo comunicación a R. Ramón Piñeiro Nº 10 – 1ºb 32001 – (Ourense), ou por correo electrónico a “ouvir@ouvirmos.com” indicando no asunto: “Exercicio dos dereitos”, e incluíndo o seu nome e número. DNI Podes obter a protección da AEPD a través da súa páxina web (www.aepd.es) e consultar a nosa política de privacidade en https://pata-pata.org/
Patrocinadores
Como Chegar
EXPOCoruña
Rúa Juana Capdevielle, 2, 15008 A Coruña
En coche
Por estrada, existen tres grandes arterias sen necesidade de entrar na cidade.
- Autopista AP9: conecta A Coruña coas cidades de Ferrol, Santiago de Compostela, Pontevedra, Vigo e a fronteira portuguesa.
- Autopista de Carballo: conecta A Coruña con Fisterra.
- Autovía A6: conecta A Coruña con Madrid
En avión
O aeroporto de Alvedro (A Coruña) está situado a 8 km de EXPOCoruña
O aeroporto de Santiago – Rosalía de Castro está situado a 65 km da cidade da Coruña
Páxina web: www.aena.es
En autobús
A liña L5 conecta EXPOCoruña co centro da cidade.
Páxina web: www.tranviascoruna.com/gl/
En tren
A estación de tren da Coruña está a 2 km e conectada con EXPOCoruña a través da L5 de autobuses urbanos
Páxina web: www.renfe.es
Contacto
comunicacion@pata-pata.org
+34 614 050 325